MKUU WA WILAYA YA HALMASHAURI YA MANISPAA TABORA AKABIDHI HUNDI ZENYE THAMANI YA SHS 10,500,000 KWA VIKUNDI VYA WAJASILIAMALI

Posted on: November 9th, 2017

Mfuko wa Maendeleo ya Wanawake na Vijana ni mifuko inayotoa mikopo kwa wanawake na vijana ambao hawakopesheki kwenye mabenki na mashirika ya  fedha kutokana na kukosa dhamana. Halmashauri ya manispaa ya Tabora kupitia Idara ya Maendeleo ya jamii kwa kufuata mwongozo wa utoaji wa mikopo kwa wanawake na vijana hutoa mikopo kwa walengwa  kwa lengo la kuwaimarisha kiuchumi. Mikopo hii imekuwa ikitolewa kupitia mapato ya ndani ya Halmashauri kwa vikundi vyenye sifa.

Katika kutekeleza lengo la kuwainiua wananchi kiuchumu tarehe 08/11/2017 Mh: Mkuu wa Wilaya ya Halmashauri ya Manispaa ya Tabora kupitia kikao cha baraza la madiwani alikabidhi hundi zenye thamani ya Tshs 10,500,000 kwa vikundi 12 vya wanawake na kimoja vijana vyenye sifa.

SIFA ZA KIKUNDI CHA WANAWAKE. 

• Kikundi kinatakiwa kuwa na wanachama wasiozidi au kupungua 5, wenye akili timamu na ambao wako tayari kujidhamini
• Mwanachama anatakiwa kuwa na umri wa miaka 18 na kuendelea
• Wanakikundi wasiwe wanandugu
• Kikundi kuwa na akaunti ya pamoja
• Wanachama wanaofahamiana
• Kikundi kuwa na katiba
• Kikundi kusajiliwa Halmashauri 

SIFA ZA KIKUNDI CHA VIJANA. 

• Wanachama kuwa na umri wa miaka 15-35
• Wanachama wenye akili timamu
• Wanakikundi wasiwe wanandugu
• Kukundi kuwa na akanti ya kikundi na kiwe kimesajiliwa Halmashauri
• Kikundi kuwa na mradi wa pamoja